DC KISWAGA AKABIDHI PIKIPIKI KWAAJILI YA USAFI WA MAZINGIRA

Na Mwandishi wetu.

MKUU wa Wilaya ya Monduli Festo Kiswaga amekabidhi pikipiki kwaajili ya jukumu mahususi la usafi na utunzaji wa mazingira ndani ya Wilaya hiyo.

DC Kiswaga amekabidhi pikipiki hizo kwa Maafisa Afya wa Kata wa Kata za Makuyuni , Lolkisale na Mto wa Mbu katika eneo la uwanja wa Halmashauri hiyo Novemba 22, 2024.

DC Kiswaga amesema, pikipiki hizo tatu zikatumike kama ambayo ilivyokusudiwa na Serikali hususani kwa shughuli za usafi wa mazingira ndani ya Wilaya hiyo ya Monduli.

Kiswaga ameendelea kwa kusema ” Pembezoni mwa barabara na maeneo ya sokoni kuna takataka nyingi ambazo si sawa kuonekana kwenye maeneo hayo hivyo kupitia pikipiki hizi Maafisa mzitumie kama ambavyo inatakiwa katika kata zenu ili tuwe na mazingira safi wakati wote”.

Kwa upande wake Bi. Happiness R. Laizer ambaye ni Mkurungezi Mtendaji wa Halmashauri ya Wilaya ya Monduli amesema Idara ya Afya kupitia sehemu ya afya kinga imepewa jukumu la kuhakikisha wananchi wanaishi katika mazingira bora, safi na salama yatakayo chochea afya na ustawi wa jamii.

#NTTupdates