KITETO WAADHIMISHA SIKU YA KUZALIWA YA DKT. SAMIA KWA UPANDAJI WA MITI

Na Mwandishi wetu.

Wakazi wa Wilaya ya Kiteto Mkoani Manyara, wameungana na Mkuu wa Mkoa wa Manyara Queen Cuthbert Sendinga hii leo Januari 27, 2025 katika shughuli ya upandaji wa miti ikiwa kama ishara ya kuadhimisha kumbukizi ya siku ya kuzaliwa kwa Mhe. Dkt. Samia Suluhu Hassan Rais wa Jamhuri ya Muungano wa Tanzania.

Shughuli hiyo ya upandaji wa miti imefanyika katika Halmashauri ya Wilaya ya Kiteto huku takribani miti 500 ikipandwa kuzunguka eneo hilo huku wananchi wakipewa zawadi ya miti ya kivuli pamoja na matunda kwaajili ya kupanda maeneo yao ya nyumbani.

Aidha, RC Sendinga amewashukuru wananchi wa Kiteto kwa kujitokeza na kuungana pamoja katika shughuli hiyo maalumu ya kumbukizi ya siku ya kuzaliwa kwa Dkt. Samia Suluhu Hassan lakini pia ikiwa ni sehemu ya utunzaji wa mazingira.

#NTTupdates.