RC SENDINGA AKABITHI VITENDEA KAZI KWA MAAFISA UGANI MANYARA.

Mkuu wa Mkoa wa Manyara Queen Cuthbert Sendinga, amekabidhi gari moja, Vishikwambi 209 na Sare 198, kwa Maafisa Ugani wa Kilimo kwa ajili ya uendeshaji na ufuatiliaji wa shughuli mbalimbali za kilimo ndani ya mkoa wa Manyara.

RC Sendinga amefanya makabidhiano hayo kwenye Ofisi ya Mkuu wa Mkoa baada ya kukabidhiwa vifaa hivyo na Dr. Samia Suluhu Hassan, Rais wa Tanzania Agosti 10, 2024.

Aidha RC Sendinga, amewapongeza viongozi wanaosimamia sekta ya kilimo mkoani Manyara kwa kuendelea kusimamia minada mbalimbali ya mazao ya mbaazi na dengu inayofanywa na Halmashauri mbalimbali ndani ya mkoa huo.

RC Sendinga pia amewataka viongozi hao kutumia vifaa hivyo kwa lengo husika ili kuongeza tija katika kilimo lakini pia kuvitunza.

#NTTupdates