WANARIADHA WA 5 KUIWAKILISHA ARUSHA MASHINDANO YA LADIE’S FIRST

Na Mwandishi wetu.

Wanariadha watano, kutoka timu ya ladie’s First chini ya miaka 20 kutoka Mkoani Arusha wanakwenda kuwakilisha Mkoa kwenye mashindano ya Kitaifa yanayotarajiwa kufanyika tarehe 23 hadi 24, Novemba, 2024 Jijini Dar es Salaam.

Akizungumza na wanariadha hao hii leo Novemba 22, 2024 kwenye uwanja wa michezo wa Sheikh Amri Abeid Jijini Arusha, Afisa Michezo Mkoa, Mwamvita Okeng’o amewataka wanariadha hao kwenda kuuwakilisha vyema mkoa wa Arusha kwa kujituma kwa bidii ili waweze kuibuka na ushindi.

Kwa upande wa kocha wa timu hiyo, Malicelina Gwandu amesema, wanariadha hao wamijiandaa vizuri na wapo tayari kwaajili ya mashindano hayo hivyo anatumaini watarejea na ushindi.

#NTTupdates