DODOMA YAENDELEA NA JITIHADA ZA KUTOKOMEZA MIGOGORO YA ARDHI

MKUU wa Mkoa wa Dodoma Rosemary Senyamule amesema Serikali ya Mkoa wa Dodoma inaendelea na jitihada mbalimbali za kuhakikisha inatokomeza migogoro ya ardhi ambapo jiji la Dodoma limeanzisha kliniki ya kutatua migogoro hiyo, kusikiliza kero na malalamiko ya wananchi kuhusu ardhi pamoja na kuwapatia hati zao wale wote wanaokidhi vigezo vinavyohitajika.

Ameyasema hayo Oktoba 19,2023 wakati wa ziara yake ya kikazi katika Kata ya Ihumwa jijini Dodoma ikiwa na dhamira ya kusikiliza na kuzitatua kero mbalimbali za wananchi pamoja na kuwaeleza wananchi mambo mbalimbali yanayofanywa na kutekelezwa na Serikali.

Aidha, Senyamule ametumia fursa hiyo kuwahimiza wakazi wa Kata hiyo kutumia fursa ya miradi ya kimkakati inayotekelezwa na serikali ikiwemo reli ya kisasa (SGR) pamoja na barabara ya mzunguko ( Ringroad) kama fursa ya kujiongezea na kujipatia vipato vya kukidhi mahitaji yao ya kila siku. #NTTUpdates