NYAKIA: WANANCHI JITOKEZENI KUSHIRIKI SHUGHULI ZA MAENDELEO

Katibu tawala wa wilaya ya Kwimba mkoani Mwanza Nyakia Ally amewaomba wakazi wa kijiji cha Saga kuendelea kujitokeza kushiriki katika shughuli za maendeleo ili Watoto wao waweze kusoma vizuri na kuwapunguzia msongamano wawapo madarasani

“Tunaishukuru serikali ya awamu ya sita chini ya uongozi wa Rais Dkt Samia Suluhu Hassan kwa kuleta fedha za kujenga madarasa mabweni na vyoo hii inaonyesha jinsi anavyowajali wananchi wake na nyie msimuangushe mnatakiwa mumuunge mkono kwa kushirikia kama hivi leo kwenye shughuli za maendeleo ili baadae serikali ije kumalizia kwa fedha kama hizi zinazoletwa”.

Kwa upande wake mkurugenzi mtendaji wa wilaya hiyo ya Kwimba Happiness Msanga amesema halmashauri hiyo imepokea zaidi ya milioni 600 kwa ajili ya ujenzi wa madarasa nane, mabweni matatu na matundu ya vyoo 13 katika shule ya sekondari Mwamashimba.

Kukamilika kwa miundombinu hiyo kutasaidia wanafunzi wengi kuishi shuleni na hivyo kuwaepusha na utoro pia itawasaidia kupata muda wa kujisomea na kutimiza lengo al serikali la kuongeza ufaulu.